Дәл қазір Астана қаласы Қылмыстық істер жөніндегі ауданаралық сотында Перизат Қайратқа қатысты басты сот отырысы жүріп жатыр. Бүгін процестің төртінші күні. Сот жартылай жабық режимде өтіп жатыр. Бірақ БАҚ өкілдеріне іс барысынан ақпарат таратуға мүмкіндік берілген.
Серік Селеубайұлы, тілші:
- Иә, біз қазір сот болып жатқан ғимараттамыз. Бүгін де куәгерлер мен зардап шеккен азаматтардан жауап алынып жатыр. Солардың бірі — Назарбаев зияткерлік мектебінің өкілі Жанерке Сатқынбекова. Ол былтыр сәуірдің 10 күні ата-аналар мен мұғалімдерден 3 млн теңгеге жуық қаражат жинап, біз біргеміз қорына аударған. Одан кейін Алматы тазалық заңгерінен жауап алынды. Мақсат Құрманның айтуынша, былтыр сәуірде бұл мекеме де 3 млн теңге аударған. Бірақ бұл жәбірленушіні тыңдау кезінде сотталушының анасы Ғайни Алашбаеваның жағдайы нашарлап, сот үзіліс жариялады. Естеріңізге сала кетейік, кеше Қазақстандағы су тасқындарына қатысты үшінші эпизод бойынша 22 жәбірленушіден жауап алынды. Мендегі бар ақпарат осы.
