Астанада Перизат Қайратқа қатысты басты сот талқылауының бірінші күні аяқталды, деп хабарлайды 24kz.
Түске дейін зардап шеккен құрылыс компанияларының басшыларынан жауап алынды. Олар оңалту орталығының құрылысы үшін 10 және 5 млн теңге ақша аударған.
Ал түс ауа «Біз біргеміз» қоғамдық бірлестігінің бұрынғы құрылтайшылары куәгер ретінде шақырылды. Олар бірауыздан Перизат Қайраттың жалған құжаттар жасағанын, яғни, құрылтайшылардың атынан қол қойғанын мәлімдеді.
Естеріңізге сала кетейік, белсенді Перизат Қайрат пен оның анасы Ғайни Алашбаеваға 3,5 млрд теңгені жымқырды деген айып тағылған. Қылмыстық іс 100 томнан асады. Құжатта Перизат Қайрат 2021-2024 жылдар аралығында көп рет қайырымдылық көмек көрсету мақсатында халықтан ақша жинағаны жайында дәлелдер бар. Бұл қаражат мұқтаж балаларға, Палестина халқына және елдегі су тасқынынан зардап шеккендерге көмек көрсету үшін жұмсалуы тиіс болған. Алайда 14 наурызда Қаржылық мониторинг агенттігі аса ірі көлемдегі алаяқтық бабы бойынша іс қозғады
