Ұзаққа созылған айтыс-тартыстан соң Шымкент қаласын ауыз сумен қамтып отырған мекемені мемлекет меншігіне қайтару туралы сот шешімі шықты. Мегаполистегі ауыз су жүйесін 2004 жылдан бері «Су ресурстары–Маркетинг» серіктестігі басқарып келді. Ондағы нысандардың тек 22 пайызы ғана мемлекет меншігі саналады. Қаржылық мониторинг Департаменті жүргізген қаржылық талдау нәтижесінде компанияда серіктес құрылымдармен арада күмәнді қаржы операциялар жасалғаны және шығынға жол беру жәйттері анықталған. Енді меншік түрі ауысуына байланысты қалада ауыз су тарифі 30 пайызға дейін төмендемек .
Ернар Тайжан, ҚР Қаржылық мониторинг агенттігінің ресми өкілі:
Шымкент қаласының мамандандырылған ауданаралық экономикалық соты сумен жабдықтау және су бұру нысандарын жекешелендіруді жарамсыз деп тану және оларды бастапқы жағдайына келтіріп, мемлекет меншігіне қайтару туралы шешім шығарды.
Ғани Қалмаханов
