1 шілдеден бастап Алматы қаласында мектепке дейінгі ұйымдарды ваучерлік қаржыландыру жүйесі енгізіледі, — деп хабарлайды Massaget.kz тілшісі.
2025 жылғы 1 шілдеден бастап Алматы қаласында Қазақстан Республикасы Оқу-ағарту министрлігінің 2024 жылғы 30 желтоқсандағы №372 бұйрығымен бекітілген өңірлердің Пилоттық жобаға көшу кестесіне сәйкес мектепке дейінгі ұйымдарды ваучерлік қаржыландыру жүйесі енгізіледі.
Бұл жаңашылдықтың басты мақсаты — мектепке дейінгі білімнің қолжетімділігі мен сапасын арттыру, бәсекелестікті күшейту және ата-аналарға балабақша таңдауда еркіндік беру.
Ваучерлік жүйе арқылы ата-аналар мемлекеттік те, жекеменшік те балабақшалардың қызметтерін төлеуге мүмкіндік алады.
2025 жылғы 1 шілдеден бастап ата-аналар мектепке дейінгі білімге арналған ваучерлер ала алады. Алматы қаласында бағдарламаға 988 мектепке дейінгі ұйым қатысады, оның ішінде:
o 196 — мемлекеттік балабақша,
o 792 — жекеменшік;
Ұйымды таңдау бос орынның болуына байланысты жүзеге асырылады. Ваучер рәсімдеу электронды https://balabaqsha.snation.kz/ порталы арқылы жүргізіледі.
Бағдарламаның мақсаттары:
● Мектепке дейінгі білімнің барлық әлеуметтік топтар үшін қолжетімділігін арттыру;
● Ата-аналардың таңдау еркіндігін қолдау және білім беру қызметтерінің икемділігін арттыру;
● Мектепке дейінгі білім беру саласында жекеменшік секторды дамыту;
● Бәсекелестік пен қаржыландырудың ашықтығы арқылы көрсетілетін қызметтердің сапасын жақсарту.
Қалай жұмыс істейді?
1. Ата-аналар https://balabaqsha.snation.kz/ электронды порталы арқылы ваучер алу үшін өтініш береді;
2. Ваучер баланың балабақшада болу құнының бір бөлігін жабады;
3. Қаржыландыру балабақшаға тікелей баланың баруын растағаннан кейін беріледі;
4. Бағдарламаға қатысатын жекеменшік балабақшалар белгіленген сапа стандарттарына сай болуы керек.
Бағдарламаға қатысу үшін ресми порталға https://balabaqsha.snation.kz/ кіріп, ваучер алу үшін өтініш беру қажет.
Аптаның басты оқиғалары мен пайдалы видеоларды көру үшін YouTube арнамызға жазылыңыз
