Ұлытау өңірінде тазалық шаралары жалғасып жатыр.
Бұл жолы белсенді жастар қала тұрғындарымен бірлесе саябақтарда, көшелер мен демалыс базаларында тазалық акциясын өткізді. Еріктілер игі іске белсене атсалысып қана қоймай, Сәтбаев қаласында түсіндірме жұмыстарын жүргізді. Мақсат — көпшілікті табиғат аясын таза ұстауға, жалпыұлттық экологиялық акцияға қатысуға үгіттеу. Алдағы уақытта еріктілер орталықтан шалғай аудан-ауылдарда да осындай шараларды ұйымдастыруды жоспарлап отыр.
Ғазиза Исламбек, Сәтбаев қаласы жастар ресурстық орталығының басшысы:
- Әр сенбі және бейсенбі күндері біз тазалық шараларын жүргіземіз. Сонымен қатар қазір жазғы уақытта «Жасыл ел» жобасы іске қосылды. Бұл «Жасыл ел» жобасында да қаланың көрнекті жерлерінде арамшөпті жұлу, көгалдандыру шараларын да жүргізудеміз. Маусым айында 50 бала жұмыс жасап жатыр, негізі 150 бала қабылданды.
