Женевадағы Иран бойынша келіссөз нәтижесіз аяқталды. Еуроүштік, яғни Германия, Франция және Ұлыбритания сыртқы Істер министрлері Ислам Республикасын АҚШ-пен келіссөзді қайта жандандыруға шақырды. Алайда Тегеран Израиль шабуылды тоқтатпайынша, дипломатиялық келісім туралы сөз қозғау орынсыз деп санайды. Айта кетейік, Иран Израильдің шабуылынан кейін Ақ үймен келіссөзді дереу тоқтатқан еді.
Йоганн Вадуфуль. Германияның сыртқы істер министрі:
- Иран негізгі мәселелер бойынша талқылауды жалғастыруға әзір. Еуропалықтардың бұл келіссөзге қатысуы өте маңызды. Бірақ бәрінен бұрын келіссөзге және шешім қабылдауға АҚШ қосылуы қажет.
Аббас Аракчи, Иранның сыртқы істер министрі:
- Иранның ядролық бағдарламасы бейбіт мақсатты көздейді. Бізге Атом энергиясы жөніндегі халықаралық агенттік үнемі бақылау жүргізеді. Ал жаппай қырып-жою қаруы бойынша ешбір келісімге қосылмаған Израильдің Иранға шабуылы ауыр әскери қылмыс және халықаралық құқықты бұзу болып саналады. Біз Еуроүштік және Еуроодақпен тағы да кездесіп, мәселені талқылауға әзірміз.
