Қазақстанда ол 19 маусымнан кейін ғана сатыла бастайды .
Түркияның Ыстанбұл қаласында Honor 400 смартфонының жаһандық тұсаукесері өтіп, бренд оның негізгі артықшылықтарын таныстырды. Жаңа техноөнім өзінің жасанды интеллект жементтерімен және нейрондық AI мүмкіндіктерімен ерекшеленеді.
Компания өкілдерінің айтуынша, бұл – биылғы жаздың басты жаңалығы болмақ.
"30x AI Super Zoom көмегімен фотосуреттерді автоматты түрде кәсіби деңгейге дейін өңдеуге болады. Сондай-ақ, 200MP Ultra-clear AI камерасы фотоны күндіз ғана емес, тіпті түнгі қараңғыда түсірген жағдайда да әрбір детальдің анық шығуына мүмкіндік береді. Сәйкесінше, бұл смартфонның иесі "кәсбіи фотограф" бола алады. Өйткені, жасанды интеллект алгоритмдері күрделі технологияларды қарапайым және әрбір пайдаланушыға қолжетімді етеді", – делінген компанияның хабарламасында.
Тұсаукесерде нейрондық желілердің шамадан тыс экспозицияны қалай түзететіні, қажетсіз нысандарды қалай алып тастайтыны және тіпті кадрдың жетіспейтін элементтерін қайта жасайтыны таныстырылды.
400 сериясының әрбір элементін әзірлеуге 500-ден астам инженер 2 жыл бойы тынымсыз еңбек еткен. Олар Honor мобильді фотосурет тұжырымдамасын қайта ойластырып, камераны ғана емес, сонымен қатар толыққанды шығармашылық платформаны жасаған.
"Аппараттық мүмкіндіктер мен AI алгоритмдерінің бірегей симбиозына ерекше назар аударылды: "Ақылды фотосуреттің" философиясы технологиялар көрінбейтін болып қалады және тек нәтиже бірінші орынға шығады, яғни кез келген жағдайда керемет фотосуреттер шығады. Бұл бұрынғы үлгілерді жаңарту ғана емес, біз мобильді фотосуретке түбегейлі жаңаша өзгеріс әкелдік", – деді компания өкілдері.
Айта кетейік, қазақстандықтар Honor 400 сериялы смартфонын 19 маусымнан бастап сатып ала алады.
