Азаматтардың қаржы саласындағы құқығын қорғауға күш салынбақ, деп хабарлайды 24kz.
Сол үшін арнайы банк омбудсмені қызмет атқарады. Бұл туралы бүгін адам құқықтарын қорғау жөніндегі комиссияның отырысында айтылды. Сонымен қатар жиында қазақстандықтарды кибералаяқтықтан қорғаудың жолдары қарастырылып, тиімді механизмдер енгізу ұсынылды. Осылайша, ел азаматтарының құқығы жан-жақты қамтамасыз етілмек.
Тастемір Әбішев, ҚР Президенті жанындағы Адам құқықтары жөніндегі комиссия төрағасының орынбасары:
- Кредиттік ұйымдар мен банктердің мөлшерлемесі өте жоғары болуы мүмкін. Немесе қарапайым адамдар білмейтін жасырын мөлшерлеме болып қалуы мүмкін. Бізге мысалы осы несиеге байланысты түскен шағымдарды мәні бойынша қарауға осы Қаржы агенттігіне жіберіп отырамыз. Олар кеңес береді. Кейін өзіміз де кеңес береміз. Кей жағдайда бізде банк омбудсмені деген бар. Алматыда отырады. Сол кісіге де жіберіп отырамыз. Бұл адам құқықтары саласында, әсіресе, қаржы реттеу саласындағы қосымша механизм.
