Премьер-министр Олжас Бектенов Geo-Jade Petroleum компаниясының президенті Ван Вэньтаомен кездесті, деп хабарлайды 24kz.
Жиында Қызылорда облысындағы «Созақ» кен орнынан газ өндіру жобасы жайлы талқыланды. Қазақстан энергетикалық қауіпсіздікті нығайту үшін өзара тиімді шарттармен ынтымақтастықты жалғастыруға және дәстүрлі емес ресурстардың әлеуетін ашуға мүдделі. Талқылау қорытындысы бойынша жұмыс жалғасатыны атап өтілді. Қытайлық компания елде 10 жылдан астам уақыт бойы мұнай мен газды барлау және өндіру бойынша жұмыс істеп келеді. Осы аралықта кәсіпорын жалпы құны 3 млрд доллардан асатын бірқатар ірі жобаны жүзеге асырып, мыңға жуық тұрақты жұмыс орнын ашқан.
