Шетелге заңсыз шығарылған Қазақстанның байлығы туралы шыны керек, соңғы 4-5 жылда ғана ашығынан айтып бастадық. Қайбір жылдары қазынаның қақпағын ұстағандар ебін тауып, халыққа тиесілі қаражатты елден жылыстатты. Бірақ мойындау керек, ол уақытта бізде бұған тұсау болатындай күшті заң болған жоқ. Тек 2023 жылы Қасым-Жомарт Тоқаев «Шетелге заңсыз шығарылған» қаражатты қайтару туралы құжатқа қол қойды. Бірақ Президент бірден айтты. Бұл бір күндік, тіпті бір жылдық жұмыс емес. Себебі әңгіме жүздеген млрд АҚШ доллары туралы болып отыр.
