Астанада Құрманғазы атындағы Қазақ ұлттық халық аспаптар оркестрінің үлкен концерті өтті, деп хабарлайды 24kz.
Іс-шара Мәдениет және ақпарат министрлігінің қолдауымен ұйымдастырылып, аты аңызға айналған ұжымның 90 жылдығына орайластырылды. Оркестр халқымыздың музыкалық мұрасы ұлы дала әуендерін ұлттық аспаптар арқылы көрерменге ұсынып, қала тұрғындары мен қонақтарының құлақ құрышын қандырды. Сахнада 80-ге тарта әртіс өнер көрсетіп, әлемдік классика мен замануи бағыттағы шығармаларды орындады. Енді Ұлттық оркестрдің ендігі гастрольдік сапары Шымкент қаласында жалғасады.
Медет Қуанышев, Құрманғазы атындағы Қазақ ұлттық халық аспаптар оркестрінің директоры:
- Бүгін де концерттің ұзақтығы – 2 сағат. Әрине, халықтың сұранысына ие шығармалардың барлығын алып келдік. Өздеріңіз білесіздер, өткен жылы оркестрдің 90 жылдығы болатын. Ол Алматы қаласында 2 күн тойланды. Өкіншке орай Астана қаласына келе алмадық. Биылғы гастрольдік сапарымызды Ақмола облысынан бастағалы тұрмыз.
