Түркістан облысында жануарлар мен жәндіктер жайылым мен егістік маңындағы терең қазылған орларға түсіп, өліп жатыр. Табиғат жанашырларының айтуынша, мұндай жағдайға әсіресе тасбақалар жиі ұшырайды. Табиғат қорғау қорының жетекшісі Юлия Цаугг бір күннің өзінде 4 шақырым болатын шұңқырдың ішінен 140-тан астам жануар мен бауырмен жорғалаушыларды құтқарғанын айтады. Оның 11-і өлі күйінде табылған. Экологтардың дабылынан кейін қазылған шұңқырларды көміп, кінәлілер жауапкершілікке тартылып жатыр. Әуеден бақылау құралының көмегімен өңірде ұзындығы 200 шақырым осындай шұңқыр бары анықталған. Биыл оның 70 шақырымы топырақпен көміліп, тегістелді
Тәңірберген Оразәлиев, облыстық жер ресурстары басқармасының бас маманы:
Заң бұзушылықтар Сарыағаш ауданында, Келес, Бәйдібек, Отырар ауданында анықталған. Заң бұзушылықты қалпына келтіріп, нұсқама берілген. Сол нұсқама кезеңінде штраф салынған.
Ғани Қалмаханов
