«Шерзат Полатты өлтірді» деп айыпталған Абзал Шынасыл 23 жылға бас бостандығынан айырылуы керек.
Қайғылы жағдайға қатысты Талдықорғанда өтіп жатқан сот отырысында прокурор Дана Сәрсенбай судьядан басты сотталушыға осындай жаза беруді сұрады. Өзге айыпталушыларға қандай жаза сұралды?
Шыңғыс Қалиден, тілші:
- Мемлекеттік айыптаушы өзге де күдіктілердің іс-әрекетін саралай келе оларға мынандай жаза беруді сұрады. «Адам өлтіруге оқталды» деген Равиль Сәкиев 20 жылға сотталуы керек, деді. Бұзақылық бабы бойынша іс қозғалған Азамат Тоқтаубаев 15 жылға, Нұрқияс Ілиясов 9 жылға қалған сотталушылар Дархан Әскентай, Шыңғыс Белғожаев, Нұрбол Тоқтаубаев, Дидар Қалиахметті 7 жылға бас бостандығынан айыру қажеттігін атап өтті. Осылайша айыпталушыларға ең қатаң жаза берілу тиіс екенін алға тартты. Сонымен қатар куә Эльмира Нұрбекова мен Дана Жақсыгелдіге жалған жауап бергені үшін, Арлан Қазыкенов пен Юлдаш Розыбакиев көліктегі әңгімені жасырғанына байланысты жеке сот қаулысын шығарып, Алматы облыстық ПД жолдау туралы өтініш жасады. Айта кетейік, дүйім жұртты дүрліктірген жағдайға қатысты сот процесі соңына таяп қалды. Бүгін тараптар жарыссөзге шығып, қорытынды пікірлерін айтып жатыр.
