Теннистен Қазақстан әйелдер құрамасының көшбасшысы Елена Рыбакина Канаданың Монреаль қаласында өтіп жатқан WTA 1000 санатындағы турнирдің ширек финалына жолдама алды, — деп хабарлайды Massaget.kz тілшісі.
Төртінші айналымда Қазақстанның бірінші ракеткасы украиналық Даяна Ястремскаяны (WTA рейтингінде 35-орында) 5:7, 6:2, 7:5 есебімен жеңді.
Кездесу 2 сағат 33 минутқа созылды. Осы уақыт ішінде Рыбакина жеті эйс жасап, тоғыз қос қате жіберді және тоғыз брейк-пойнттың бесеуін сәтті пайдаланды.
Жартылай финал жолдамасы үшін Елена украиналық Марта Костюкпен кездеседі.
Instagram парақшамызға жазылып, ең қызықты ақпараттарды бірінші болып оқыңыз!
