Өскемен қаласындағы 30-шы Гвардиялық дивизия көшесінде орналасқан студенттер жатақханасының тоғызыншы қабатындағы бөлмеден өрт шықты, деп хабарлайды Zakon.kz.
Төтенше жағдайлар министрлігінің мәліметінше, 2026
жылғы 13 қазанда жатақхана әкімшілігі тұрғындарды шұғыл эвакуациялаған.
"Оқиға орнына келген өрт сөндіру бөлімшелері өртті сөндіруге кірісті. Үйлесімді әрекеттердің арқасында жалынның басқа аумақтарға таралуына жол бермей, 16 шаршы метр аумақтағы өртті сөндірді", – деп хабарлады ТЖМ.
Посмотреть эту публикацию в Instagram
Публикация от Шығыс Қазақстан облысының Төтенше жағдайлар департаменті (@112shygys)
Өрт сөндірушілер сөндіру жұмыстары кезінде автосаты
мен өрт сөндіру оқпанын пайдаланған. Зардап шеккендер жоқ. Өрттің шығу себебі
анықталып жатыр.
Бұған дейін, 2026 жылғы 12 қазанда Астанада ірі өрт
шыққан болатын. Ведомствоның мәліметінше, алғашқы өрт сөндіру бөлімшелері оқиға
орнына келгенде ашық жалын мен қою түтін байқалған.
Дереккөз: Zakon.kz · Гүлай Ашекова
