Танымал продюсер, әнші Қайрат Нұртастың анасы Гүлзира Айдарбекова атышулы Бағдагүл емшіге қатысты пікір білдірді, деп хабарлайды Sn.kz ақпарат порталы.
Продюсердің айтуынша, Бағдагүл емші концерттегі оқиғаға қатысты орынсыз пікір айтып, әлеуметтік желідегі парақшасында жалған ақпарат таратқан.
«Бағдагүл сын айтумен де, адам өлімі болды деп ақпарат таратумен де болды. Одан бөлек, «жалмауыз» деп балағат сөздермен видеоны сторисіне салуы – тым артық! Басына тимейді екен, біреуді қаралаумен, мазақ қылумен, өсекке тоймады-ау», — деді продюсер.
Айта кетейік, Қайрат Нұртастың Шымкентте өткен концерті әлеуметтік желіде қызу талқыланды. Адамның көптігінен келеңсіздіктер туындап, 18 жастағы қыз ауруханаға түскен. Концерт бойынша қылмыстық іс қозғалып, ұйымдастырушы ер адам қамауға алынды.
Дереккөз: Skif News · Марина Ахметжанқызы
