Әнші Төреғали Төреәлі бірнеше ай үзілістен кейін сахнаға қайта оралды, деп хабарлайды Sn.kz ақпарат порталы.
Естеріңізде болса, бұған дейін оның продюсері Жан Мұқанов маусым айында әншінің Павлодардағы концерті өтпейтінін, онымен келісімшартты толық бұзатынын мәлімдеген еді. Айтуынша, оның мұндай шешім қабылдауына өнер иесінің келісімшарт бойынша кей міндеттері атқармауы себеп болған.
Күні кеше әнші кезекті концертін сахналағанын мәлімдеді. Оны әншінің қарындасы Дина Төреәлі де растады.
«Алматының туған күнінде Ағабай өнер көрсетеді деп арнайы Астанадан ұшып келдім. Кейде жәй ғана көп сөздің орнына бір іс-әрекет жеткілікті деп ойлаймын», — деп жазды ол.
Көпшілік әншіге қолдау көрсетіп, жылы тілектерін жаудырып жатыр.
Дереккөз: Skif News · Лунара Арынбек
