Бағдарлама аясында Лувр аумағында полиция бекеті ашылады, ал музей ішінде қауіпсіздік жөніндегі үйлестіруші лауазымы енгізіледі.
Францияның Ұлттық ассамблеясында сөз сөйлеген Лувр музейінің директоры Лоранс де Кар 2026 жылдың соңына дейін музей аумағына 100 бейнебақылау камерасы орнатылатынын мәлімдеді, деп хабарлайды inbusiness.kz сайты ВВС-ге сілтеме жасап.
Францияның BFM телеарнасының дерегінше, камера орнату — Лувр басшылығы тонау оқиғасынан кейін жариялаған қауіпсіздікті күшейтуге бағытталған 20 іс-шарадан тұратын бағдарламаның бір бөлігі.