Жапонияда күріш қымбаттады. 5 келі күріштің орташа бағасы – 25 доллар.
Бұл 12 мың теңге шамасында. Биылғы қуаңшылық салдарынан егін жөнді шықпаған. Елдің Ауыл шаруашылығы министрлігі қордағы күрішті әзірге нарыққа шығармай отыр. Аз қамтылған отбасыларға күрішке талон беруді ұсынды. Кей қалалар бұл жобаны қолдаған. Бірақ біраз өңірге талон жеткізуге жұмсалатын қаржы өнім бағасынан асып кеткен. Сол үшін бағдарламаны уақытша шектеді. Енді халық күрішті қойып нан мен кеспеге көшіп жатыр.
