Қазақстанға 20 мыңға жуық құрылысшы қажет болады. Еңбек ресурстарын дамыту орталығы келтірген мәлімет бойынша, қазірдің өзінде салада тапшылық байқалған. Сұранысты жабу үшін отандық компаниялар шетелден жұмысшы күшін тартып отыр.
Биыл кәсіпорындарда арнайы рұқсатпен 15 мыңнан аса өзге ел азаматы табыс табуға келіпті. Олар негізінен құрылыс, ауыл шаруашылығы, орман және балық шаруашылығы, тау-кен және өңдеу өнеркәсібі сынды салаларды таңдаған.
Ең көбі — Қытайдан келген азаматтар, олардың саны 5000-нан асады. Ал Өзбекстаннан 2 мың 700-ге жуық жұмысшы, Түркия мен Үндістаннан мыңнан аса адам тартылған. Мигранттар үшін ең қолайлы аймақ — Алматы облысы, сондай-ақ Алматы, Шымкент, Түркістан қаласы мен Маңғыстау облыстары болып тұр.
