Маңғыстау облысында заңсыз жолаушы тасымалымен айналысқандар әкімшілік жауапқа тартылды. Апта басынан бері өңірде жедел алу іс-шарасы жүріп жатыр.
Рейд кезінде елуге тарта көлік айыптұраққа қойылды. Кейбірінің шетелде тіркелгені белгілі болды. Естеріңізде болса, 12 қыркүйекте «Бекет ата» жолында шағын автобус аударылып, 10 адам оқиға орнында көз жұмды. Тағы 3 адам ауыр дене жарақатын алды. Полиция жол апатының алдын алу мақсатында республикалық маңыздағы жолдарда бақылауды күшейткен.
Тілекберген Селбаев, Өңірлік ПД ЖПҚ басқарма бастығының орынбасары:
- Іс-шараның төрт күнінде барлығы 395 әкімшілік құқықбұзушылық анықталып, 46 автокөлік айыптұраққа жабылды. Оның ішінде заңсыз жолаушы тасымалымен айналысқан 22 жүргізуші, алкогольдік масаю күйінде көлік басқарған 8 жүргізуші анықталды. Аталған шара кезінде облыста нарядтардың тығыздығы арттырылып, басты назар шағын автобустарға және минивэндерге бақылау күшейтілді.
