Қазақстанның бұрынғы бас көлік прокуроры Мақсат Дүйсенов іздеуде жүр, — деп хабарлайды Massaget.kz тілшісі.
Бұл ақпаратты Бас прокуратураның құқықтық статистика және арнайы есепке алу органдарының порталынан көруге болады.
Портал дерегінше, іздестіру ісі 29 тамызда Алматы қаласы Алмалы аудандық полиция басқармасының бастамасымен прокуратура тарапынан тіркелген. 52 жастағы Дүйсенов іздеудегі тұлғалар базасында үш күн бойы тұр.
Біз бұл жағдайға қатысты толық ақпарат алу үшін құқық қорғау органдарына сауал жолдадық.
Мақсат Дүйсенов 2018 жылғы тамызда сол кездегі бас прокурор Қайрат Қожамжаровтың бұйрығымен Қазақстанның бас көлік прокуроры болып тағайындалған.
2013–2014 жылдары Қазақстан Республикасы Қауіпсіздік кеңесінің сектор меңгерушісі қызметін атқарды.
2016–2018 жылдары Сыбайлас жемқорлыққа қарсы іс-қимыл ұлттық бюросы басшысының орынбасары болып жұмыс істеді.
2018 жылғы қаңтардан бастап бас көлік прокурорының бірінші орынбасары қызметін атқарған.
Өзекті жаңалықтарды өз уақытында оқу үшін Facebook парақшамызға жазылыңыз!
