Мемлекет басшысы Қырғыз Республикасына ресми сапары аясында Жоғарғы мемлекеттік кеңестің 7-ші отырысына қатысты.
Екі елдің тарихи тамырластығы мен ортақ тағдыры, бауырластықтан одақтастыққа ойысқан ынтымағы эконоикалық қатынастар аясын кеңейтетіні анық.
Ел арасында жаңа Ақ үй деп те айдарланатын Ынтымақ Ордо сарайында негізгі ресми шаралар өтті. Тура бір жыл бұрын ашылған бұл заманауи кешен әкімшілік ғимарат қана емес, батылдық, достық пен дамуға деген ұмтылыстың символы деп бағаланады. Ынтымақ ордо бүгін қазақ қырғыз ынтымағын кеңейтуге өзек келіссөздердің алаңы.
Мемлекеттер басшыларының төрағалығымен өткен Жоғары мемлекетаралық кеңесінің жетінші отырысында біздің президент қазақ пен қырғызды Алатаудың қос қыранына балап, еншісі бір, тағдыры ортақ ағайын деп атап өтті. Қырғызстан біз үшін аймақтағы басты стратегиялық серіктестің бірі, екі ел ынтымақтастығының қазіргі басым бағыттарының бірі ретінде арадағы алыс берісті арттыруды атады, Қасым-Жомарт Кемелұлы.
Қасым-Жомарт Тоқаев, Қазақстан Республикасының Президенті:
- Екіжақты сауда-саттық көлемі шамамен 2 миллиард долларға жетті. Бұл көрсеткішті еселеуге барлық мүмкіндік бар. Инвестициялық ынтымақтастық жылдан жылға нығая түсуде. Соның арқасында түрлі бірлескен жобалар табысты жүзеге асырылды. Су-энергетика саласында өзара үйлесімді жұмыс атқарылып жатыр.
Серік Жұманғарин, ҚР Премьер-министрінің орынбасары, ұлттық экономика министрі:
- Бүгін біз жол картаға қол қоямыз. Осы тауар айналымызды 3 млрд-қа жеткізу маңызды. Оны қалай жеткізуге, не керегін, бүкіл мәселелер жазылған? Біздер экспорттық кредиттік агенттік аштық. Ол деген бір жақсы құрал тауар айналымына көмектеседі.
Қазақ-қырғыз ықпалдастығындағы су дипломатиясы сарапшылар мен ақпарат құралдарының назарында. Бүгінгі мемлекетаралық отырыста бұл мәселе де әңгімеге арқау болды.
2000 жылдан бері су бөлу және ирригациялық жұмыстар бойынша екі ел арасында келісім бар. Соның негізінде комиссия да жұмыс істейді. Десе де одақтастық деңгейге шыққан ықпалдастық ортақ су пайдалануды оңтайландырып келеді.
Нұржан Нұржігітов. ҚР Су ресурстары және ирригация министрі:
– Жаңа өздеріңіз естідіңіздер, біз биылғы жылы вегетация кезінде де, межвегетация кезінде де Қырғызстан тарапынан белгіленген кестеге сәйкес суды толық көлемде алдық. Қордай ауданында Чумыш гидроузелі бар. Біз сол Чумыш гидроузелді бірлесіп пайдалансақ деген арнайы келісімшарт жасап жатырмыз.
Мемлекеттер басшылары шекаралық аймақтар арасында да ынтытмақтастықты кеңейту қажеттігіне тоқталды. Аймақаралық форумның отырысын Цитата: — Көп созбай өткізуге келістік деді президент Жоғарғы мемлекетаралық кеңестің 7-ші отырысында.
Берік Дүйсенбай, Айдос Меделбеков, 24KZ
