Сағадат Нұрмағамбетов атындағы Құрлық әскерлерінің әскери институтында Бауыржан Момышұлы атындағы оқу сыныбы ашылды.
Биыл оның туғанына 115 жыл толып отыр. Айтулы датаға орай ғылыми-практикалық конференция өтті. Іс-шараға ҚР Қарулы күштері Құрлық әскерлерінің бас қолбасшысы генерал-майор Мереке Көшекбаев қатысты. Ол болашақ офицерлерді тәрбиелеуде даңқты қолбасшы тұлғасының маңызына тоқталды. Конференция барысында әскери институттың оқытушылары мен курсанттары Бауыржан Момышұлының әскери өнері, көшбасшылық қасиеттері және тарихи мұрасы тақырыптарында баяндама жасады.
