Ақтөбе облысында жантүршігерлік жол апатынан 12 адам қаза тапты. Оқиға салдарынан зардап шеккендердің жағдайы белгілі болды , — деп хабарлайды Massaget.kz тілшісі.
Облыс әкімдігі мәліметінше, медициналық мекемеге жеткізілген бес адамның үшеуінің жағдайы ауыр, екеуінің жағдайы орташа.
"Бір адам ауруханаға жатқызудан бас тартқан. Жарақат алғандар Хромтау аудандық ауруханасына жеткізілді. Облыс әкімі Асхат Шахаров оқиға болған жерге шықты", — деді әкімдік өкілдері.
Айта кетейік, 23 қазанда Самара-Шымкент тасжолында, Белқопа ауылының маңында DAF жүк көлігі мен ГАЗель соқтығысқан. Алдын ала мәлімет бойынша жүк көлігі қарсы қозғалыс жолағына шығып кеткен.
Өзекті жаңалықтарды өз уақытында оқу үшін Facebook парақшамызға жазылыңыз!
