Мектепте қауіпсіз ортаны қалыптастыра отырып, балаларды қорғау мақсатында Астанада ауқымды ақпараттық акция өтіп жатыр. Прокуратура, полиция, ұлттық қауіпсіздік комитеті мен қалалық әкімдік өкілдерінен құралған мобильді топтардың жоғары сынып оқушыларымен кездесуі жоспарланған. Жаңа оқу жылында осындай он екі мобильді топ жасақталған. Жүздесуде топ мүшелері буллинг және кибербуллинг ұғымдарын түсіндіріп, оның арты неге апаратынын жеткізеді.
Сондай-ақ балалардың құқықтарына тоқталып. мұндай қысымның қалай алдын алуға болатынын түсіндіреді. Буллингке қарсы ақпараттық акцияны жыл бойы жүргізбек. Айта кетейік, оқу-ағарту министрлігінің ДосболLike пилоттық жобасы қазір Астананың бес мектебінде іске қосылған. Нәтижесінде сол мектептердегі балалар мен ата-аналардың шағымы едәуір азайды, дейді қалалық білім беру басқармасындағылар.
