Польша бүгін түнде Беларусьпен шекараны жабады, деп хабарлайды 24kz.
Бұған Минск пен Мәскеудің әскери оқу-жаттығу өткізуі түрткі болған. Іс-шара 12-16қыркүйек аралығына белгіленіп отыр. Премьер-министр Дональд Тусктың айтуына қарағанда, қауіп сейілмей, шекара ашылмайды. Әзірге тек екі өткізу бекеті жұмыс істеп тұр. Кейінгі деректерге қарағанда, бірталай адам Польшаға өте алмай, Беларусь шекарасында тұр. Варшава ресейлік дрондардың ел аумағына кіргеніне алаңдаулы. Польша мұны басқыншылық әрекетке теңеп отыр. Ел аумағында 16 ұшқышсыз аппараттың сынықтары табылған. Ал, Ресей: «Польша аумағын емес, Украинаның батысындағы нысандарға соққы жасамақ болдық», - деп мәлімдеді.
