Бұдан былай қазақстандықтар Арменияға паспортсыз сапарлайтын болады.
Яғни азаматтар төлқұжаттарын көрсетіп, сол елге емін-еркін кіре алады. Мәжілісте қос ел үкіметтері арасындағы «көші-қон саласындағы ынтымақтастық туралы келісімді ратификациялау туралы» заң талқыланды. Осыған сәйкес, енді Армения мен Қазақстан өзара ақпараттық жүйесін бөлісе отырып, әр азамат жайлы мәліметтерге қол жеткізе алады. Осылайша Армения мен Қазақстан азаматтығын қоса иеленгендерді анықтау жеңілдей түспек. Өйткені Қазақстанда қос азаматтыққа заң жүзінде тыйым салынған. Ішкі істер министрі Ержан Сәденовтың мәліметінше, әзірге осындай бір ғана жағдай анықталған. Екі ел паспортының иегері дереу Қазақстан азаматтығынан айырылып, бес жылға елден шеттетілді. Талқылаудан өткен заң жобасы енді Сенатқа жіберіледі. Жалпы жыл басынан бері елімізге 12 мың Армения азаматы келген. Айта кетейік, Армения мен Қазақстан арасында визасыз режим орнатылған. Аталған мемлекеттердің азаматтары жарты жылда 90 күнге дейін елде қала алады
