Бұл туралы Caravan.kz медиа порталы хабарлайды. Нұрсейіт Жылқышыбай атақты боксшыдан сұхбат алғанын мәлімдеді. "Біздің ардагер спор
Бұл туралы Caravan.kz медиа порталы хабарлайды.
Нұрсейіт Жылқышыбай атақты боксшыдан сұхбат алғанын мәлімдеді.
«Біздің ардагер спортшыларымыздың бірі — Болат Жұмәділов. Бүгін Алматыдан Астанаға ат терлетіп келдім. Ол кісінің жертөлесін өз көзіммен көрдім. Көріп отырып, жүрегім көтеріліп кетті.
Қабырғам қайысты, 30 шаршы метрде ол кісі болашақ чемпиондарды дайындап отыр. Айтқым келетіні, қолда бар алтынды біз неге қадірлей алмаймыз?
Неге біз төбемізге көтере алмаймыз? Ондай кісілер саусақпен санарлық қой бізде. Азияның екі дүркін чемпионы, әлем чемпионы, олимпиаданың екі дүркін күміс жүлдегері. Ол кісімен бір сағаттай сұхбаттастым.
Менің мына отырған жертөлемнің ешқандай құжаты жоқ дейді. КСК-ға қарайды, былайша айтқанда подвал, соны алып, бокс залын ашып қойған.
Кез-келген уақытта КСК-ның басшылары ол кісіні далаға шығара алады. Сол күнге біз келе жатырмыз ғой.
Жаяу жүр, не автокөлігі жоқ. Чемпиондарымызды қадірлейікші», — деп жазды ол.
