Астанада өткен ерекше үйлену тойы қалыңдықтың шоу-бизнес деңгейіндегі шығуымен және алып тортпен есте қалды, деп хабарлайды Skifnews.kz ақпарат порталы.
«Аружан Plaza» ресторанында өткен салтанатта қалыңдықты залға шамдармен безендірілген қайықпен алып шықты. Қалыңдық қонақтарға қарай баяу жылжып келе жатқан сәтін видеоға түсіргендер әлеуметтік желіде жариялап, қызу талқылауға себеп болды.
Бірақ тосынсый мұнымен бітпеді — қонақтардың алдына зәулім сарай пішініндегі, биіктігі шамамен 3 метр болатын торт әкелінді. Жарықпен көмкерілген тортты көргендер таңданысын жасыра алмады.
Пікір екіге бөлінді: бір тарап мұны шығармашылық пен әдемі әсер қалдыру деп бағаласа, екінші тарап «тойды шектен тыс шоуға айналдыру» деп сынады. Желідегі әзілқойлар «енді ұшатын кілем ғана жетпей тұр» және «келесіде пілмен шығыңдар» деген пікір қалдырды.
Бейнежазбалар Instagram мен TikTok-та мыңдаған қаралым жинап, түрлі мемдер мен талқылауларға арқау болып жатыр.
Посмотреть эту публикацию в Instagram
Публикация от ✧ АЙДАРХАН SHOWMAN✧ОЧКИ MAN???? (@aidarkhan_astanashow)
