Қазақстандық опера әншісі Италияда өткен CLIP-2025 халықаралық байқауында жеңіске жетіп, 50-ге жуық елден келген қатысушыларды басып озды.
Әйгерім Алтынбек конкурстың негізгі номинацияларында да үздік атанып, «абсолютті жеңімпаз» атағына ие болды. Жас өнерпаз «көрермен көзайымы» мен «үздік әйел дауысы» марапатына және белгілі музыка сыншысы, арт-директор әрі педагог Карло Майердің арнайы жүлдесін қанжығалады. Бұл Орталық Азия үшін тарихтағы алғашқы жеңіс болып отыр. Ал Қазақстан әлемдік операда көшбасшылардың қатарынан орын алды.
