Көпқабаттың үйлердің ауласы абаттандырылып, жаңа кейіпке еніп келеді. Бұның бәрін тұрғындар өз күшімен атқарып жатыр. Олар «Таза Қазақстан» акциясы аясында ағаш егіп, аула аумақтарын көгалдандыруға ден қоя бастады.

Кіреберісте жөндеу жұмыстары басталатынын естіген Викентий Комков сұр қабырғаларды өз күшімен түрлі түсті суреттермен сәндеген. Араға көп уақыт салмай кіреберіс адам танымастай өзгеріп шыға келді. Оның туындылары көне кітап беттеріндегі суреттерге ұқсас. Онда ертегі кейіпкерлері, тілектер ағашы, ежелгі жазулар мен ерекше бейнелер салынған.

Викентий Комков, суретші:

- Барлығы бұның не екенін түсінбей қалды. Бастапқыда сызба сияқты көрінді. Кейін бұл орын танымал болды. Адамдар жиі бас сұғып, суретке түсетін болды. Тұрғындар бұл жерді бүлдірмей, құрметпен қарайды.

Викентий Комков 45 жылдық тәжірибесі бар суретші, Қарағандыдағы бірқатар танымал сәулет және арт-нысандардың авторы. Ол өзінің сұр түсті кіреберісіне бейжай қарай алмаған айтады. Тпті бұл идеясы өзге тұрғындарға да шабыт берген. Енді олар да өз айналасын әдемі әрі жайлы етуге тырысып бағуда.

Ал мынау аула бүгінде гүлдерге толы. Бірнеше жыл бұрын мұнда бос алаң болған, ал қазір жасыл аймаққа айналды. Бұл Қамалиевтер отбасының зор еңбегі. Олар көктем сайын гүлдер егіп, күтім жасайды. Ауладағы тәртіпті сақтайды. Осы үшін ешқандай ақы алмайды. Қазір бұл аумақ қалалық «Ең үздік аула» сайысына қатысып жат

Айгүл Қамалиева, қала тұрғыны:

- Біз гүлді жылда отырғызамыз. Жылда әртүрлі қылып отырғызамыз. Мына өрнектерді әртүрлі қылып саламыз. Көршілеріміз бәрі риза. Бәріне ұнайды. Өтіп кетіп жатқан кісілердің бәрі суретке түсіп жатады.

Сонымен қатар «Халық қатысатын бюджет» жобасы бойынша аулаларды абаттандыру жұмыстары жалғасып жатыр. Биыл осы тізімге 104 аула енгізілді. Тұрғындар әкімдікке балалар алаңдарын орнату, жарық тарту, көгалдандыру немесе асфальтты жаңарту сияқты ұсыныстар жібереді.

Авторлары: Лиана Жамлиханова, Аман Хамит