Ақ үй басшысы Дональд Трамп Пәкістанға ресми сапармен барады. Іс-сапар қыркүйек айына жоспарланған. Рейтер агенттігі осылай деп хабарлады .
Олардың айтуынша, бұл кейінгі 20 жылдағы АҚШ Президентінің Пәкістанға алғашқы сапары. Соңғы рет Исламабадқа кіші Джордж Буш ат басын бұрған. Кездесу барысында екі елдің көшбасшысы аймақтық қауіпсіздік, терроризммен күрес, Азиядағы стратегиялық серіктестік мәселелерін талқылайды. Өткен айда Пәкістан Трампты 2026 жылғы Нобель сыйлығына ұсынды. Өйткені Ислам Республикасының Премьер-министрі кеңсесі келтірген мәліметке қарағанда, Пәкістан мен Үндістан арасындағы қақтығысты шешуде АҚШ Президентінің рөлі орасан.
