Кепелістен шығар бір амал – келер жылдан бастап ауыр жүк көліктері үлкен жолға шыға алмайды.

Сондай-ақ қала көшелерімен жүруге де шектеу қойылады. Көлік министрлігі жаңа ереже әзірлеп жатыр. Енді жүк артқан адам да, қабылдаған бизнес нысандар да жазалануы мүмкін. Көлік министрлігі үш жыл бұрын салмағы 25 тоннадан асатын ауыр жүктердің қозғалысына тыйым салған. Алайда тәртіпке бағынбай, шамасынан асырып жүк артып алатындар азаймады. Бақылауды күшейту үшін енді елде 200-ден аса автоматты салмақ өлшеу жүйелері орнатылады.

Нұрлан Ақан, ҚР КМ Автомобиль көлігі және көліктік бақылау комитетінің сарапшысы:

- 25 тоннаны мысал ретінде алсақ, 3 бірлікті самосвал. Әр көлік құралының өзінің салмағы болады. Мысал ретінде 3 бірлікті самосвалдардың салмағы 11-12 тонна болса, оның үстіне 25 тоннаға дейін жүкі артуға болады. Қазір көп жағдайда 11 тонна жүк көлігінің үстіне 25-30 тоннаға дейін жүк салып алады. Бұл жолдың мезгілінен бұрын тозуына әкеліп соғады.