Жөндеудің бірінші кезеңіне 500 млн теңге бөлінді, деп хабарлайды 24kz.
Жоба бойынша Қазақстан Конституциясы атындағы көшенің тас төсеніштері және инженерлік желілері толық ауыстырылады. Сонымен қатар жол бойындағы кәсіпкерлік нысандар біркелкі сәулеттік кейіпке енеді. Одан бөлек облыс орталығындағы былтыр су басқан Ойқала, Былғары зауыт шағын аудандары абаттандырылады. Онда 70-тен аса саябақ салынып, 2000 ағаш егіледі.
Әсем Айтолова, қала әкімдігінің баспасөз хатшысы:
- Әр аудан 4 гектар жерден абаттандыратын болады. Бүгінгі таңда жұмыстардың барлығы қарқынды жүріп жатыр. Жалпы аудан кәсіпкерлері бізде қалада 52 саябақ орнатады. Жаяу жүргіншілер үшін қыдыратын жерлер, демалып отыратын жерлер барлығы орнатылатын болады.
