Ақмола облысына қарасты Бурабай аудандық полиция бөлімінің қызметкерлері электронды сигареттердің заңсыз айналымын анықтаған. Жедел шаралар нәтижесінде жергілікті тұрғыннан вейптердің ірі партиясы тәркіленді, деп жазады Egemen.kz.
Полиция мәліметінше, 6 желтоқсанда Щучинскіде 27 жастағы ақмолалық «тыйым салынған сәлемдеме» алған. Мәскеуден жіберілген қорап ішінде интернет-сайт арқылы тапсырыс берілген 110 электронды сигарет болған.
Полицейлер күдіктіні ұстады, вейпті тәркіледі. Сөйтіп, жүк тұтынушыларға жетпеді. Қылмыстық іс қозғалды.
Құқық қорғау органдары мұндай әрекеттер үшін 2 мың айлық есептік көрсеткішке (АЕК) дейін айыппұл, түзеу жұмыстары, бостандығын шектеу немесе 2 жылға дейін бас бостандығынан айыру жазасы қарастырылғанын еске салады.
