Ақтөбеде тағы бір жантүршігерлік жол апаты болды. Полиция соталды тергеп-тексеруді бастады, — деп хабарлайды Massaget.kz тілшісі.
Өңірдің Полиция департаменті мәліметінше, 27 қазанда Бауырластар тұрғын алабында 13 жастағы жасөспірім әкесінің көлігін рұқсатсыз алып, елді мекен аумағында қозғалыс кезінде көлікті басқара алмай, жол жиегіндегі шұңқырға аударылған.
"Жол апаты салдарынан жасөспірім жарақат алып, медициналық мекемеге жеткізілді. Алайда дәрігерлердің күш-жігеріне қарамастан, көз жұмды. Қазір полиция оқиғаның мән-жайын анықтап жатыр", — деді ІІМ өкілі.
Еске салайық, 23 қазанда Самара-Шымкент тасжолында, Белқопа ауылының маңында DAF жүк көлігі мен ГАЗель соқтығысты. Алдын ала мәлімет бойынша жүк көлігі қарсы қозғалыс жолағына шығып кеткен. Оқиға салдарынан 12 адам қаза тапты.
Аптаның басты оқиғалары мен пайдалы видеоларды көру үшін YouTube арнамызға жазылыңыз
