АҚШ-та кейінгі 20 жылда халықтың демографиялық өсімі бәсеңдеп, ең төменгі деңгейге түсті. Былтыр Құрама штаттарда 3,5 млн сәби дүниеге келді. Яғни, америкалық отбасылардың тек 20 пайызы ғана балалы болған. Тіпті халық санының азаюына алаңдаған президент Трамп сәби сүйе алмай жүрген жұптар үшін қолдан ұрықтандыру процедурасының бағасын арзандатты. Бала тууға үгіттеу үшін қаржылай сыйақы тағайындады. Алайда, сарапшылар мәселе ақшамен шешілмейді. Әуелі бала күтіміне байланысты берілетін демалысты ұзарту қажет дейді. АҚШ-та декреттік демалыс 3 ай ғана мерзім.
Каррен Гуццо, Солтүстік Каролина университетінің демографы
Қазір АҚШ-тағы бала туу коэффициенті 1,6-ға тең. Бұл — Құрама штаттар тарихындағы ең төменгі көрсеткіш. Кез келген елдің демографиялық жағдайы тұрақты болуы үшін әр әйелге шаққанда бала саны 2,1-ден кем болмауға тиіс. Америкаға шеттен кіріп жатқандар көп. Халық санын тұрақтандыруға тек осы ғана сеп болып отыр.
2050 жылға қарай әлемде алпысты алқымдаған қарт кісілердің саны 2 миллиардтан асады. Бұл жер бетіндегі әрбір бесінші адам деген сөз. Осылайша, көрсеткіш жастар санынан асып түседі. Мұны Біріккен Ұлттар Ұйымы мәлімдеді.
Қазір, әсіресе Азия мен кәрі құрлық тұрғындары тез қартайып барады. "Бұған өмір сүру ұзақтығының артуы, екіншіден туу көрсеткішінің төмендеуі себеп», – дейді сарапшылар.
