Үндістан жаңартылатын энергия жабдықтарына қосылған құн салығын 12%-дан 5%-ға төмендетті. Бұл шешім 22 қыркүйектен бастап күшіне енеді. Салықтың төмендеуі жабдық құнын арзандатып, жаңа қуат көздерін жылдам іске қосуға мүмкіндік береді .
Сарапшылар өзгеріс ішкі нарықтағы сұранысты арттырып, тұтынушылар үшін құрылғыны қолжетімді ететінін айтады. Шешімнің негізгі мақсаты – АҚШ тарапынан енгізілген 50% импорттық баж салығының әсерін жұмсарту. Ел билігі алдағы бес жылда жаңартылатын энергия қуатын 500 гигаваттқа арттыруды көздейді.
Чарит Конда, Энергетикалық экономика және қаржылық зерттеулер институтының өкілі:
- Үндістанда жаңартылатын энергия бойынша ауқымды өнеркәсіп қалыптасқан. Қазір біздің елде орнатылған қуат көлемі шамамен 200 гигаваттты құрайды. 2030 жылға дейін бұл көрсеткішті 500 гигаваттқа жеткізуді жоспарлап отырмыз. Шығарылып жатқан күн панельдері ел ішінде-ақ түгел қолданыс табады. Сондықтан біз басқа елдерге қарағанда экспортқа қатты тәуелді емеспіз.
