фото: primeminister.kz
Ел халқын Конституция күнімен Премьер-министр Олжас Бектенов те құттықтады, деп хабарлайды 24kz.
Үкімет басшысы Ата заң – мемлекеттік құрылымның берік тұғыры, халқымыздың айнымас құндылығы екенін айтып, бар күш-жігер ортақ стратегиялық мақсаттарға қол жеткізуге бағытталатынын атап өтті.
«Мемлекет басшысы Қасым-Жомарт Тоқаевтың бастамасымен жүргізілген конституциялық реформалар Қазақстанды түбегейлі жаңғыртуға, саяси-экономикалық және әлеуметтік жетістіктердің жаңа белесіне бұлжымас бағдар бола білді. Ал, жаңарған Конституциямыз Заң мен Тәртіп үстемдігін арқау еткен Әділетті Қазақстанның қастерлі қағидатына айналды. Онда әрбір азаматтың, әр отбасының тұрмыс сапасы мен әл-ауқатын арттыруға, ел басқару ісіне халықтың қатысу мүмкіндігін кеңейтуге айрықша маңыз берілді», - деді Премьер-министр.
