Ақтөбеде жантүршігерлік оқиға болды – жолаушылар пойызының бастығы пышақ жарақатынан көз жұмды, деп хабардлайды Skifnews .kz ақпарат порталы.
Қайғылы жағдай оның демалыс кезінде орын алған.
Полиция дерегінше, күдікті марқұмнан темекі сұраған. Бас тартқан соң, оған алты рет пышақ сұққан. Алған жарақаты өміріне қауіп төндіріп, оқиға орнында қаза болған.
Оқиғаға қатысты қылмыстық іс қозғалып, тергеу амалдары жүргізілуде. «Пассажирские перевозки» АҚ марқұмның отбасына материалдық көмек көрсетті.
48 жастағы марқұм – Ақтөбе облысының тумасы. Темір жол саласында еңбек жолын қарапайым жұмысшы болып бастап, 14 жыл бойы жолаушылар вагонының жолсерігі қызметін атқарған. 2023 жылдың қарашасынан бастап жолаушылар пойызының бастығы болып еңбек еткен. Саладағы еңбегі үшін ведомстволық марапаттармен наградталған.
Артына жұбайы мен төрт баласын қалдырды.
