Еліміздің басым бөлігінде қалың қар жауып, бұрқасын басталды. Жел күшейіп, аяз қысты.
Қазгидрометтің мәліметінше, алдағы үш күнде ауа температурасы -28 градусқа дейін төмендейді. Синоптиктер дауылды ескерту жариялады. Әсіресе, батыс, шығыс және солтүстікте қолайсыз күн райы сақталады. Ауа райының бұзылуына байланысты 7 облыстағы 16 республикалық маңызы бар автомобиль жолдарында көлік қозғалысына шектеу қойылды. Қазавтожол дерегіне сәйкес, Ақтөбе, Ақмола, Қостанай, Қызылорда, Қарағанды және Солтүстік Қазақстан облыстарының кейбір жол учаскелері уақытша жабылды. Ал Павлодар облысында барлық бағытта көлік қозғалысына шектеу қойылды.
