Дәрігерлердің айтуынша , бала стресс жағдайында ғана емес, тыйымдар, қорқыныштар мен эмоцияны басу салдарынан да даусынан айырылуы мүмкін, — деп хабарлайды Massaget.kz тілшісі.
Ресейде фониатр дәрігерлеріне сөйлей алмай қалған қыз жүгінді. Жасөспірім психогендік афония – қатты күйзеліс салдарынан даусын жоғалтқан.
Новосібір №1 қалалық емханасының облыстық консультатив-диагностикалық фониатрия орталығының меңгерушісі Любовь Бессонованың айтуынша, тексеру кезінде-ақ мамандар науқаста дауыс бұзылыстарына әкелген мәселе анықтаған.
"Қыз шамамен ымдап түсіндірді: өзі бірдеңе айтқысы келген сайын, анасы сөзін әрдайым бөліп, оның орнына сөйлеп кетеді", — дейді фониатрия орталығының меңгерушісі.
Новосібір облысының Денсаулық сақтау министрлігінің мәліметінше, баланың өміріндегі бұл тұрақты жағдайға тағы бірі қосылған: қыздың әкесі, онымен жылы да сенімді қатынаста болған, бірақ соғысқа кеткен. Тағы бір стресс бойжеткенді афонияға, дауыстың толық жоғалуына дейін жеткізген.
Любовь Бессонованың айтуынша, психолог пен педагог-фонопедтің көмегімен жасөспірімнің дауысы қайта қалыпқа келтірілді.
"Біз жұмысты әлі жалғастырып жатырмыз, бірақ қыздың дауысы шығып келеді. Оның дауысы көптеген жүйелердің: тыныс алу, резонаторлық, жүйке, тірек-қимыл жүйелерінің бірлескен жұмысының нәтижесі", — деді Бессонова.
Маманның айтуынша, дауыс бұзылыстары тек стресс пен тыныс алу ағзаларының қабынуынан емес, сонымен қатар, мысалы, баланың қалпы (осанкасы), эндокрин жүйенің, ас қорыту жолының жоғарғы бөлімдерінің жұмысына да әсер етуі мүмкін.
Instagram парақшамызға жазылып, ең қызықты ақпараттарды бірінші болып оқыңыз!
