Биыл тараздық 400 студент Венгрияның университетінде оқи алады , деп хабарлайды 24kz.

Қазақ Ұлттық су шаруашылығы және ирригация университеті студенттерге осындай мүмкіндік жасады. Одан бөлек, оқу ордасы Еуропадағы тағы бір университетпен қос дипломды білім беру бойынша келісімшартқа отырды. Соның нәтижесінде су саласына қажетті білікті мамандар даярланады.

Тараздағы Қазақ Ұлттық су шаруашылығы және ирригация университеті былтыр Президент тапсырмасы құрылды. Қазір 2 мыңнан аса студент білім алып жатыр. Оқу ордасы Еуропадағы 30 үздік университет тізіміндегі Corvinus университетімен меморандумға отырды. Бүгінде қос дипломдық келісім аясында 20 магистр су дипломатиясы және су ресурстарын басқару мамандығын игеріп жатыр. Ал инженерлік бағыттағы Оbuda университетінде, академиялық ұтқырлық аясында 400 студенттің білім алуына мүмкіндік жасалды.

Кәмшат Түсіпова, Қазақ ұлттық су шаруашылығы және ирригация университетінің ректоры:

- Обудамен жасалған жоба ол көбінесе әлеуметтік интеллектіні нығайтуға бағытталған. Бұл технологияның барлығы бізге де келеді. Навсталин технологиясы, Қытайдың технологиясы. Бала оны білу керек. Бізде әлі жоқ. Ол жақтарда кішігірім болса да бар. Бала соны көру керек. Сондықтан біз бермейтін пәндерді ол жақта оқиды. Жасанды интеллект сияқты бағдарламалық қамту инженерлікке байланысты өз саласына байланысты. Сонымен қатар ағылшын тілін оқиды.

Ұлттық университеттің 45 студенті жаңа оқу жылын Венгрияда бастады. Олардың оқу ақысы мен жатақханасын университет қаржыландырып отыр. Мұндай мүмкіндікке ие болған болашақ су мамандарының қуанышында шек жоқ.

Темірлан Болат, студент:

- Жалпы Венгрия университеттері сапалы білімге және де тәжірибеге үлкен мән береді. Сол үшін сапалы білім алуға барымызды саламыз. Алғашқы уақытта осы жақта алған білімімізбен Қазақстанға барып пайдалы маман болуға барымызды саламыз. Және академиялық ұтқырлық бағдарламасы аясында алған тәжірибелермен заманауи маман болып шығатынымызға сенеміз.

Оқу ордасы Қытайдың солтүстік су ресурстары және электроэнергетика университетімен бірігіп зертхана ашпақ. Жаңа орталықта су ресурстары бойынша түрлі зерттеу жасалып, гидрология және жерасты суларын модельдейді. Зерттеу жұмыстарына жасанды интелектіні қолданбақ.

Ғалия Омарова, техника ғылымдарының докторы:

- Қытайдан жақын арада жетекші ғалымдары келеді. Жас ғалымдарымызға арнайы дәрістерін береді. Сонымен қатар бізбен бірлесіп, болашақта оқу және ғылыми жұмыстарды жүргізу бағытында қандай байланыс болатынын бірлесіп шешеміз. Біз қаншалықты дүниежүзінде болып жатқан ең жоғарғы деңгейдегі ең ілкімді әдіснаманы қондырғыны қолданып, сол деңгейге бірден көтерілуге мүмкіндік береді.

Университетте демеушілер есебінен мелиоративтік-әдістемелік кешен құрылысы басталды. Сонымен қатар алдағы 2 жылда аумағын абаттандыруға қала бюджетінен 1,5 млрд теңге бөлу жоспаранып отыр.

Авторлары: Мерей Бает, Бақытжан Бапаев, Елдар Байділдә