Қытаймен мұнай-газ саласында бірқатар бірлескен жоба жүзеге асырылып жатыр, деп хабарлайды 24kz.
Мемлекет басшысы солардың атын атап, түсін түстеп берді. Ақтөбе өңірінде карбамид шығару көзделген. Газ-химия кешенінің құрылысы жөнінде СNPC компаниясымен келісім бар. Жоба 1 млрд-тан аса долларға бағаланған. Ал, Атырау облысында этан және пропан тасымалдауға арналған магистральді құбыр құрылысы қаржыландырылады. Бұған Қытай даму банкі қызығушылық танытты. Келісім бәсі 530 млн долларға жуықтайды. Жалпы қазақ-қытай іскерлік кеңесінің кезекті отырысында 15 млрд доллар болатын 70-тен аса коммерциялық құжатқа қол қойылған. Мұның сыртында мұнай-газ саласында америкалық, ресейлік және еуропалық корпорациялармен серіктестік орнағаны айтылды.
