Қазақстан премьер-министрінің орынбасары – Сыртқы істер министрі Мұрат Нұртілеу Harvest Group компаниясы директорлар кеңесінің төрағасы Алмаз Альсеновпен кездесу өткізді. Бұл туралы СІМ-ның баспасөз қызметіне сілтеме жасаған KAZ.NUR.KZ.
Министрліктің мәліметінше, тараптар агро-индустриялық кластерді құру барысын талқылаған.
Алғашқы кезеңде инвестициялық жоба Жетісу мен Алматы облыстарын қамтып, 150 мың гектар шалғайдағы және тыңайған жерлерді суармалы ауыл шаруашылығы алқаптарына айналдыруды көздейді. Жалпы, жобаны жүзеге асыру аясында заманауи су үнемдеу жүйелерін қолдана отырып, 300 мың гектар жерді игеру жоспарланған.
Министр жобаны одан әрі ілгерілетудің маңыздылығын атап өтіп, мемлекет тарапынан қолдау көрсетуге дайын екенін білдірген.
Сондай-ақ компанияның Қазақстанның бірқатар өңірінде туризм және спорт салаларында инвестициялық жобаларды іске асыру перспективалары белгіленген.
СІМ басшысы бұл жобалардың ішкі және кірме туризм үшін, сонымен қатар экономиканы әртараптандыру үшін өсу мүмкіндігіне айналу әлеуеті бар екенін баса айтқан.
Мәтіннен қате тапсаңыз, бізге жазыңыз
