Қазақстандық спортшы Жалғас Жұмағұлов (18-9) "еуропалық UFC" деп те аталатын Oktagon лигасында титул үшін жекпе-жек өткізді, деп хабарлайды KAZ.NUR.KZ Sports.kz-ке сілтеме жасап.
Жалғас Жұмағұлов Чехия астанасы Прагада өткен Oktagon 81 турнирінде бақ сынасты. Онда ол чехиялық боксшы Давид Дворжакпен (22-6) кездесті. Жалғас бұл жекпе-жекте ең жеңіл салмақтағы чемпиондық белдігін сынап көрді.
Бес раундқа жоспарланған жекпе-жек мерзімінен бұрын аяқталды. Жалғас Жұмағұлов алғашқы минуттардан-ақ айқын басымдық танытып, қарсыласын нокдаунға жіберді. Үшінші раундтан кейін Давид Дворжак жекпе-жекті жалғастыра алмады.
Осылайша Жалғас Жұмағұлов кәсіби мансабындағы 19-жекпе-жегінде жеңіске жетіп, Oktagon лигасының ең жеңіл салмақтағы титулын сәтті қорғады, ал Давид Дворжак кәсіби MMA-да жетінші рет жеңіліске ұшырады.
Еске сала кетейік, Жалғас Жұмағұлов маусым айында Oktagon лигасының чемпионы болды. Отандасымыз төрешілердің шешімімен грузиялық Бено Адамианы (12-9-2) тізе бүктірді.
Қазіргі кезде Жалғас Жұмағұлов төрт сериялы жеңісімен үздіктердің қатарына енген.
Мәтіннен қате тапсаңыз, бізге жазыңыз
