Бас прокуратура мен Интерполдың Ұлттық орталық бюросының қызметкерлері Қазақстан Сыртқы істер министрлігінің көмегімен 2022 жылғы қаңтардағы оқиғаға қатысы бар Ресей азаматын Грузиядан экстрадициялады, деп хабарлайды Zakon.kz.
Ресми ақпаратты 2025 жылдың 29 желтоқсанында Бас прокуратура хабарлады.
Ол 2022 жылдың қаңтарында Алматыда жаппай тәртіпсіздіктерге, азаматтарды ұрлауға, олардың мүлкін күштеп тартып алуға белсенді қатысты деген күдікке ілінді.
Қаскүнем үш жылдан астам уақыт бойы жасырынып, халықаралық іздеуде болған.
Ағымдағы жылдың қыркүйек айында ол Грузияда ұсталып, Бас прокуратураның сұрауы бойынша Қазақстанға экстрадицияланды.
Қазір күдікті уақытша ұстау изоляторына қамалды.
Айыпталған қылмыстарды жасағаны үшін мүлкі тәркіленіп, жеті жылдан он екі жылға дейінгі мерзімге бас бостандығынан айыру жазасы қарастырылған.
