Астана қаласында үш қабатты ғимараттан өрт шықты. Өртті сЛөндіруге 100 қызметкер жұмылдырылды, деп хабарлайды ТЖМ-ге сілтеме жасаған KAZ.NUR.KZ.
Бүгін, 28 желтоқсанда Астана қаласы Сарыарқа ауданы Ықылас Дүкенұлы көшесінде 3 қабатты ғимарат өртке оранды. Оқиға орнында өрт сөндіру штабы құрылып, өртті сөндіруге 100 адам жеке құрам мен 24 бірлік техника жұмылдырылды.
Өрт сөндіру бөлімшелері екінші және үшінші қабаттар жанып жатқанын және шатырдың жартылай құлағанын анықтаған.
"Өрт сөндірушілердің уақтылы және кәсіби әрекеттері өрттің одан әрі таралуының алдын алуға және оқиғаның салдарын барынша азайтуға мүмкіндік берді.
ТЖМ күштері өртті оқшаулады. Зардап шеккендер туралы ақпарат 112-ге түскен жоқ", — делінген хабарламада.
Мәтіннен қате тапсаңыз, бізге жазыңыз
