Sofascore статистикалық порталы футболдан Қазақстан құрамасының 2025 жылғы үздік 10 ойыншысын атады. Тізімге "Қайраттың" жұлдыздары Сәтпаев пен Анарбеков енбеген, деп хабарлайды Sports.kz порталына сілтеме жасаған KAZ.NUR.KZ.

Рейтингте көшбасында Қазақстан құрамасының капитаны және қорғаушысы Нұралы Әліп тұр. Ресейдің "Зенит"командасында өнер көрсететін қазақ футболшысының еншісінде 7,35 ұпай бар.

Екінші орынға "Елімайдың" жартылай қорғаушысы Ғалымжан Кенжебек жайғасқан. Биыл ол ұлттық құрама сапында үш гол соғып, бір нәтижелі пас берген. Оның ұпайы – 7,21.

Үздік үшікті 7,18 ұпай көрсеткішімен "Астана" қақпашысы Мұхаммеджан Сейсен түйіндеді. Ол 2025 жылы ұлттық құрама сапында бес матч өткізген.

Айта кетерлігі, бұл рейтингте алматылық "Қайраттың" шабуылшысы Дастан Сәтпаев 6,0 ұпаймен 11-орында тұр.

Ал статистикалық көрсеткіштер бойынша биылғы маусымда Чемпиондар Лигасында үздіктердің бірі болған "Қайраттың" қақпашысы Темірлан Анарбеков тізімге енбеген.

Жалпы толық рейтинг келесідей:

  1. Нұралы Әліп ("Зенит") – 7.35;
  2. Ғалымжан Кенжебек ("Елімай") – 7.21;
  3. Мұхаммеджан Сейсен ("Астана") – 7.18;
  4. Әлібек Қасым ("Ақтөбе") – 7.14;
  5. Максим Самородов ("Ахмат") – 7.01;
  6. Бағдат Қайыров ("Ақтөбе") – 6,98;
  7. Дінмұхаммед Қараман ("Жеңіс") – 6,93;
  8. Георгий Жуков ("Ақтөбе") – 6,87;
  9. Ян Вороговский ("Астана") – 6,78;
  10. Рамазан Оразов ("Ақтөбе") – 6,70;
  11. Дастан Сатпаев ("Қайрат") – 6,60;
  12. Ислам Чесноков ("Тобыл") – 6,56;
  13. Дамир Қасаболат ("Қайрат") – 6,27.

Рейтинг 2025 жылы ұлттық құрама сапында өткізген ойындар саны ескеріле отырып жасалған.

Мәтіннен қате тапсаңыз, бізге жазыңыз